~( هذاك المار قدامي )~

هذااااك المار قدامي وله نظرات قتاله

له سكسوكتن حلوه بأقصى الوجه مرتسمه

حرمني النوم في ليلي حرمني النوم عقباله

يحس الشوق في صدره ذبحه وزاد في همه

احب امه احب عمه احب جده واحب خاله

اموت بنظره عيونه واعشق كل حروف اسمه

احب جده واحب هزله اذوب وحالتي حاله

واذا يطروه قدامي احس بداخلي صدمه

ذبحني بكثر مااشتاقه ذبحني بكثره اشغاله

شغلني جنن قليبي فصلني من على الخدمه

ياليت اقدر اصير بيوم شين دايم قباله

وراه بكل مكان يروح شين غالي يهمه

ياليتني ساعه بيده او ارقام بجواله

يطقطقني على كيفه ولا احفظ سوى رقمه

انا ادري انه يعاني وادري صعبه احواله

قلبي مايطاوعني يبي دايم اهو يمه

انا مايهمني ربعه وعذالي وعذاله

احبه بكل جنون الحب والاحساس والذمه

صحيح انه يكذبني وظنونه على باله

لكني بعلمه كيف هو دمي وانا دمه

يقول إني انا انسى !!!فال الله ولافااله

لو بنسى انا نفسي ماأنسى ابد رسمه

ياقلبي شوف لي حلن بحبن صار لي عاله

ياإما تجيبه لعندي وإلا اطلبه من امـــــــه

*~( هذاك المار قدامي )*~

~( هذاك المار قدامي )~